Reklam

Vesa Luma gati për rikthimin e fuqishëm në Festivalin e RTSH-së

/ 2 minuta lexim

Këngëtarja e njohur Vesa Luma po rikthehet fuqishëm në skenë, ku në një intervistë ekskluzive për “Kosova Sot Online”, ka shpalosur detaje rreth pjesëmarrjes së saj këtë vit në Festivalin e fundvitit në RTSH, shkruan gazeta “Kosova Sot Online”.

“Pjesëmarrja jonë sivjet në Festivalin e fundvitit në RTSH, është krejt ndryshe nga ajo që unë e kam menduar ndoshta vite më parë. Është më e qetë, kënga është shumë e mirë dhe po besoj që edhe publikut do t’i pëlqej pasi është frymë moderne, është diçka që dëgjohet dhe shumë pozitive”, ka deklaruar ndër të tjera Luma.

Fundamenti

Derisa ka shtuar se “Më shumë besoj se nuk guxoj të shpalos por që këtë herë e kemi vendosur ta marrim me tepër shumë dëshirë, me shumë kënaqësi dhe pozitivitet andaj shpresoj që t’ia përcjellim dhe publikut që mezi po pret të na shoh. E pastaj është vota e jurisë dhe e publikut që cakton çfarë do të ndodhë më tutje. Ne shpresojmë, të paraqitemi në mënyren më të mundshme dhe do të punojmë për këtë paraqitje me Big Bastën për të tjerat pastaj ua lëmë në duar njerëzve kompetentë”.