“Versioni im” – kënga prezantuese e Soni Malajt në “Kënga Magjike 2021”

Këngëtarja shqiptare, Soni Malaj, do të jetë sërish e pranishme në festivalin “Kënga Magjike 2021”.

Ajo këtë vit prezantohet me baladën “Versioni im”, e cila njëherësh ka një tematikë të ndjeshme që lidhet me dashurinë.

Tekstin e ka shkruar Flori Mumajesi kurse për muzikën është përkujdesur Bruno.

Producimi është bërë nga “Threedots” dhe tashmë është publikuar në kanalin YouTube.

Artistja merr vëmendje me paraqitjen elegante e veshur në një kostum të bardhë e po ashtu edhe me interpretimin e mahnitshëm.

“Për shkak të një problemi të vogël teknik po e ripostoj videon e prezantimit tim tek Kënga Magjike 2021. Faleminderit nga zemra Ardit Gjebrea”, ka shkruar në njoftimin e bërë në rrjete sociale.

Sipas komenteve që ka marrë, Soni duket të jetë njëra nga pretendentet kryesore për të fituar kompeticionin muzikor.

“Kënga Magjike 2021” pritet të mbahet më 26, 27 dhe nata finale më 29 maj. /Telegrafi/

Shpërndaje.
© RAJONIPRESS