Vërshimet nga shiu nuk kursejnë as fushat e futbollit

Gjilan – Shiu i fundit që ra në Gjilan dy ditët e fundit ka dëmtuar shumë ara e livadhe të fshatrave Uglar, Pograxhë e Miresh. Lumi Morava ka përfshi dhe dëmtuar rëndë edhe një fushë të futbollit në Pograxhë.

Shiu që ra dy ditët e fundit ne Gjilan nuk ka kaluar pa pasoja për shumë fusha bujqësore të fshatrave Pograxhë, Uglar e Miresh. Lumi “Morava” i cili del kryesish nga shtrati ka dëmtuar rëndë shumë kultura bujqësore dhe ka dëmtuar rrugë anësore që lidhin këto fshatra.

Në fshatin Pogarxhë shumë ara ndodhen nën ujë kurse vërshimi i furishëm i ujit ka dëmtuar edhe një fushë futbolli e cila është e mbushur tërësisht me ujë.

Zyrtarët komunal nuk kanë dhënë ndonjë vlerësim për dëmet e fundit, por edhe sikur të kishte ato tashmë nuk po i kompenson askush, as Komuna e as Qeveria tha i mllefosur një banor i Pograxhës./rajonipress/