Vërbani i jep mbështetje Nexhmedin Arifit

Gjilan – Në tubimin e mbajtur në Vërban, respektivisht në lagjen e Shavarinëve, ai ndër të tjera tha se komuna e Vitisë ka shtruar mbi 70 km asfalt gjithandej nëpër komunën e Vitisë dhe se një trend i tillë do të vazhdoj edhe në mandatin e tretë qeverisës.

Fshati Vërban, si edhe herëve të tjera, edhe këtë herë po tregohet i maturuar në aspektin e përcaktimit politik. Qytetarët e ndershëm të këtij fshati për të dytën herë brenda dy ditëve me praninë e tyre të madhe vërtetuan edhe njëherë mbështetjen e fuqishme për kandidatin për kryetar nga radhët e PDK-së, dega në Viti, Nexhmedin Arifi.

Në tubimin e mbajtur në Vërban, respektivisht në lagjen e Shavarinëve, ai ndër të tjera tha se komuna e Vitisë ka shtruar mbi 70 km asfalt gjithandej nëpër komunën e Vitisë dhe se një trend i tillë do të vazhdoj edhe në mandatin e tretë qeverisës.

Të pranishmit e shumtë i përshëndeti edhe Shefi i Shtabit Zgjedhorë, zoti Abdyl Bajrami, i cili tha se Vërbani gjithmonë është përcaktuar drejt në momente të rëndësishme.

Banorët e fshatit Vërban, duke falënderuar kryetarin Arifi për vizitën, u shprehën të gatshëm të jenë pjesë e vizionit të Partisë Demokratike të Kosovës për një Viti Europiane thuhet në njoftimin e sektorit për Informim pranë Shtabit Zgjedhorë të PDK-së, dega në Viti./rajonipress/