Vera dhe shtypja e gjakut: Çfarë të hani dhe si të veproni?

Gjatë motit të ngrohtë veror, disa persona reagojnë nga shtypja e lartë e gjakut, e disa nga ajo e ulët. Të gjithë duhet pasur kujdes, por ekziston një grup i njerëzve që këtë e përballon më vështirë. Sidomos të sëmurët kronikë janë të ekspozuar ndaj përkeqësimit të shëndetit të tyre. Matni shpesh shtypjen e gjakut, dhe sipas nevojës dhe këshillës së mjekut shtoni dozën e ilaçeve. Po ashtu, me rëndësi është ta përshtatni edhe ushqimin.

Pakësoni sasitë e ushqimit me shumë yndyrë dhe kalori, kafeinën, alkoolin, ndërsa që duhet të pini shumë lëngje (ujë, çaj, ujë mineral) sepse përmes djersitjes humbin lëngjet dhe mineralet. Personat me shtypje të lartë apo të ulët duhet të planifikojnë aktivitetet herët në mëngjes në ambient të hapur, por edhe gjatë pasdites, në orët e mbrëmjes. Sidomos shmangni qëndrimin në diell midis orës 10 e 17, që sugjerohet edhe për personat e shëndetshëm. Përshtatni edhe veshjen.

Për personat që kanë shtypje të ulët të gjakut të nxehtit veror janë të pakëndshme, ndikojnë të janë të plogësht, kanë marramendje dhe turbulencë. Nevojitet të pini shumë ujë, por edhe të hani shkopinj me kripë, të hani pemë dhe perime sezonale, sepse vetëm kështu e kompensoni atë që keni humbur përmes djersitjeve.

(Kosova Sot)