Ese nga Atdhe Geci – Piktori, Avni Behluli, është artistë i mirëfilltë; poet në pikturë, poet në skulpturë, poet në grafikë dhe poet në gdhendjen në guri dhe gdhendje në dru. Krijimtaria e artistit, Avni Behluli është e vlerësuar me 33 çmime komunale, kombëtare, dhe ndërkombëtare. Vepra e piktorit Avni Behluli është prezantuar në 22 ekspozita personale dhe, në 136 ekspozita kolektive në 3 kontinente; në Evropë, Azi dhe Afrikë.
Artisti Avni Behluli u lind me 17. 10. 1960 në Breznicë të Dardanisë. Shkollën fillore në vendlindje, ndërsa të mesme dhe Akademinë, në Prishtinë. Fshati Breznicë i Dardanisë ngjan një lugu të populluar me 1728 shtëpi, 220 familje, e sipas ( regjistrimit të vitit 1992 )1790 banor.
Dy shpatet e Breznicës, njëra tumë dhe tjetra kodër dhe një lumë në mes të fshatit, janë bekim për kopshtet dhe frymëzim për artistin e shquar kombëtar, Avni Behlulin.
Piktori, Avni Behluli, është artistë i mirëfilltë; poet në pikturë, poet në skulpturë, poet në grafikë dhe poet në gdhendjen në guri dhe gdhendje në dru. Krijimtaria e artistit, Avni Behluli është e vlerësuar me 33 çmime komunale, kombëtare, dhe ndërkombëtare. Vepra e piktorit Avni Behluli është prezantuar në 22 ekspozita personale dhe, në 136 ekspozita kolektive në 3 kontinente; në Evropë, Azi dhe Afrikë.
Pikturat e Avniut, grafikat dhe gdhendjet në dru janë shpërndarë në të pesë kontinentet. Në thellësi të zemrës së njeriut shprehet Avniu, shpirti i njeriut ka të fshehtat e krijimit. Në jetë shumë mendje e duar e bëjnë fitoren. Krijimet janë personale. Kryevepra e tij, “Covid-19” është vepër gjithëbotërore. Z. Atdhe, nëpër njeri kalojnë të mirat dhe këqija e kësaj jete. Njohja me ngjyrat, njohja me zemrën e gurit, njohja me zemrën e bimëve dhe të drurit, janë betejat e mia në krijimin e një vepre arti.
Në çastet kur unë krijoj shprehet Avniu, unë jam padron i fatit tim në krijimtari dhe kapiten i shpirtit tim në dashuri. Shpirti im nuk është me xhama.
Në çastet kur krijoj shprehet Avniu, tërë botën time e kam në studio. Lufta e motiveve nuk është e pahetueshme qoftë në punishten e pikturës, qoftë në gdhendjen në guri, apo gdhendjen në dru.
Në krijimet e këtij gjeniu të nënqielli shqiptar, shquajmë këto vepra; Ciklin, “Mbretërit dardanë”, “Mbretëresha Teutë”, “Gjergj Kastrioti Skënderbeu”, “Dosja K” “Muzikanti”, “Doruntina”, “Gjilpëra e thatë”, dhe mbi Njëmijë punime të tjera. Në Galerinë e punimeve të Artistit të Shquar Kombëtar, Avni Behlulit, edhe vizitori më i thjeshtë do të mrekullohej. Z. Atdhe, pasioni im për të krijuar është i pareshtur. Me çaste, frymëzimi për të pikturuar, frymëzimi për të gdhend në guri ose në dru, më vjen prej përtej meje. Dallgët e frymëzimit në krijimtarinë time shprehet Avniu unë s´mund t´ i ndali. Artit askush s´a di ditëlindjen, por as vdekjen. Vepra e artistit kombëtar, Avni Behlulit, është një galeri e tërë. Vepra e tij epiko-lirike shëmbëllen çdo kund ku ajo prezantohet. Po e mbylli këtë ese të shkurtër, me shprehjen e artistit Avni Behluli, “për çdo punim timin kam dashuri të veçantë”. Eseja vazhdon!…
Atdhe Geci – Dortmund – 2020
