Vëllezër edhe motra po vijnë prej kurbeti

Teksti dhe muzika : Demir Krasniqi

Iu hoq dryni shumë shtëpive –
Iu hap dera kurbetçinjve !
Erdh buzëqeshja e lezeti –
N’ shtëpitë tona u ndritë xheneti !

U gëzua fshati , u g’zua qyteti ,
U gëzua mali , fusha edhe deti !…
U shtua gëzimi edhe muhabeti –
Vëllezër edhe motra po vijnë prej kurbeti !

Na u zdritë qielli e na u kthjell moti –
N’ sytë e prindërve pushoi loti !
U shua etja , u shua malli –
Lum e lum na erdhi djali !

Sot nga lumturia po na zbardhon dita –
Na u ka mbushë shtëpia plot me djem e çika !
Po shtohet gëzimi e po lulëzon shpresa –
Janë bashkua prindërit me nipa e mbesa !…

Mbushë shtëpitë nipa e mbesa –
Plot me dasma dhe fejesa ,
Kurorëzime e martesa ,
Lindin gëzime , lindin shpresa !…

Kthehen bijë e bija në vatra të veta –
N’ vendlindje të shenjtë seç ringjallet jeta !
Skaj me skaj këtij globi të mbarë kësaj bote –
Askund s’ ka ma t’ bukur se vendlindja jote !

Gjilan, më 20.07.2018.

Demir Krasniqi