Vëllaznimi eliminon Dritën nga DigitAlb Kupa e Kosovës

Vëllaznimi i Gjakovës arriti ta eliminon skuadrën e Dritës nga DigitAlb Kupa e Kosovës, duke bërë befasi të dorës së parë.

Një gjë të tillë “kuq e zinjët” e Gjakovës, kishin arritur që Dritën ta eliminon edhe në edicionin e kaluar.

Me këtë humbje futbollistët e Dritës përpos që janë larg titullit të kampionit ata edhe eliminohen nga Kupa, çka është një dështim në këtë edicion të garave.

Futbollistët e Vëllaznimit në minutën e 42-të, ndërtojnë aksionin më të mirë të ndeshjes.
Murati pason bukur gjerë tek Tun Bardhoku i cili nga 16 metra mposht portierin e nga Bullgaria në radhët e Dritës, Kiriev, duke qenë njeherit edhe goli vendimtar në këtë ndeshje.

Futbollistët e Dritës rast të mirë në ndeshje e patën në minutën e 30, Endrit Krasniqi depërton mirë gjuan por portieri Muhaxheri ja mohon golin.

Rastin më të mirë në ndeshje e lëshon Nwabueze i Dritës në minutën e 92, por “trimi” i kësaj ndeshje Muhaxheri shpëton gol të sigurt duke mbrojtur gjuajtjen e Nwabuezes nga 3 metra./rajonipress/