Vehid Ibrahimi vazhdon ta mallkojë komunën e Gjilanit

Gjilan – Vehid Ibrahimi nuk ka ditë që nuk poston foto nga jeta e rëndë në fshatin Muçibabë. Marre për komunën e Gjilanit, e cila nuk e njeh këtë fshat si pjesë të Kosovës sepse për banorët e saj këtu nuk ka jetë, pa rrugë, pa ujë, pa shkollë e pa punë.

Vehid Ibrahimi i cili po vazhdon të jetojë në kushte ekstreme në fshatin Muçibabë vazhdon të kërkojë nga komuna e Gjilanit investime në infrastrukturë, meqë sipas tij rruga është në gjendje të mjerueshme.

Sipas tij shumë familje janë shpërngulur në mungesë të kushteve elementare për jetesë. “Marre për komunën e Gjilanit e cila nuk e njeh Muçibabën si pjesë të Kosovës, e rëndë jeta për banorët e saj sepse këtu nuk ka jetë, pa rrugë, pa ujë, pa shkollë e pa punë” ka shkruar i revoltuar Vehid Ibrahimi, teksa ka prezantuar disa foto të rrugës së dëmtuar./rajonipress/