Vedat Muriqi transferohet në Fenerbahce, klubi i madh kosovar arkëton 300 mijë euro

Sulmuesi i Kosovës, Vedat Muriqi është bërë pjesë e gjigantit turk, Fenerbahce.

Megjithëse ditë më parë kishte deklaruar se do ta respektonte kontratën me Rizesporin, futbollisti kosovar është larguar tashmë nga ky klub, shkruan Zëri.info.

Lajmi është konfirmuar nga faqja zyrtare në Facebook e Fenerbahce, të cilët kanë publikuar një video, përmes së cilës kanë treguar pjesëtarin e tyre më të ri të skuadrës.

Për transferimin e Muriqit, Fenerbahçe i detyrohet Muriqit gjashtë milionë euro, shumë e cila do të paguhet brenda katër viteve të ardhshme.

Nga transferimi në fjalë do të përfitojë edhe Liria e Prizrenit, skuadër që dikur ka pasur në radhët e veta sulmuesin 25-vjeçar.

Liria, do të përfitojë 300 mijë euro nga kjo marrëveshje në mes të dyja klubeve turke.

Sipas rregullores së FIFA-s, klubi që e ka pasur lojtarin në akademia shpërblehet me pesë për qind të shumës së transferimit, e që i bie rreth 300 mijë euro./Zëri.inf