Vedat Muriqi shënon gol në fitoren e rëndësishme të Rizesporit për mbijetesë

Vedat Muriqi ka shënuar gol në fitoren e skuadrës së tij Rizespor 3-1 ndaj Akhisarsporit në Superligën turke, në një triumf të rëndësishëm në luftë për mbijetesë.

Sulmuesi i Kosovës Muriqi luajti rol të rëndësishëm në fitoren e Rizesporit ndaj skuadrës së fundit në renditjen e ligës elitare turke të dielën në Çaykur Didi Stadyumu në Rize, shkruan Gazeta Express.

Fitorja ndaj Akhisarsporit nënkupton se tani skuadra e Muriqit largohet nga zona e rënies nga liga, sepse mbledh 18 pikë në vendin e 15-të.

Vendasit e gjeten veten në disavantazh pas vetëm një çereku lojë, kur Edin Cocalic realizoi atë që edhe ishte goli i vetëm në pjesën e parë.

Rezisporit iu deshën vetëm dy minuta për ta përmbysur skuadrën vizitore, megjithatë, me Muriqin protagonist.

Dario Melnjak i barazoi shifrat në 1-1 në minutën e 70-të, para se Vedat Muriqi të realizonte nga afërsia për 2-1.

Prejuce Nakoulma i dha goditjen e fundit Akhisarsporit tetë minuta para fundit.

Rizesporti largohet nga zona e rënies nga liga, të paktën përkohësisht, pasi tani ngrihet në vendin e 15-të, me 18 pikë, një më pak se tri të fundit, Erzurum BB, Fenerbahce dhe Akhisarspori.

Për Muriqin, ky ishte goli i gjashtë në 19 ndeshje deri tani këtë stinor për Rizesporin, teksa ka dhuruar edhe pesë asiste. /Gazeta Express/