Vedat Muriqi shënon dhe asiston në fitoren e Mallorcas kundër Villarrealit
RajoniPress
21:53, 6 Nëntor, 2022
Mallorca ka shënuar fitore në udhëtim kundër Villarrealit, në ndeshjen e vlefshme për javën e 13-të në La Liga.
Skuadra e udhëhequr nga Javier Aguirre përfundoi me rezultatin 0:2, shkruan Gazeta Express.
Vedat Muriqi regjistroi edhe sonte një paraqitje të shkëlqyeshme dhe ishte më meritori në fitoren e skuadrës së tij.
Sulmuesi kosovar fillimisht shënoi gol në minutën e 32-të dhe pastaj dhuroi një asistim për Amath Ndiaye, i cili shënoi në minutën e 76-të.
Muriqi tani numëron shtatë gola në La Liga dhe një asistim.
Mallorca pas kësaj fitore ka 16 pikë dhe është ngjitur në pozitën e 12-të, kurse Villarreali renditet i teti me 18 pikë. /Gazeta Express/
