Vedat Muriqi rikthehet me gol pas suspendimit, shënon ndaj Valencias
RajoniPress
22:24, 22 Tetor, 2022
Sulmuesi i Kosovës, Vedat Muriqi ka gjetur golin në ndeshjen e Mallorcas ndaj Valencias në kuadër të javës së 11-të në La Liga.
Muriqi vuajti dy ndeshje suspendim shkaku i një kartonit të kuq në ndeshjen ndaj Elches.
Megjithatë, me t’u rikthyer në fushë, ylli i Kosovës ka treguar se është lojtari kryesor i Mallorcas duke shënuar menjëherë gol.
Sulmuesi prizrenas gjeti rrjetën në minutën e 66-të duke shënuar nga penalltia.
Ky gol ishte për golin e barazimit 1-1, pasi Valencia shënoi më herët me anë të Edinson Cavanit.
Me këtë gol, Muriqi arrin në kuotën e pesë golave në La Liga këtë sezon.
Ylli i Kosovës ka luajti vetëm nëntë ndeshje këtë sezon deri tani. /Telegrafi/
