Vedat Muriqi në Fenerbahçe, ndër pesë transferimet më të shtrenjta në Turqi

Vedat Muriqi ishte njëri prej emrave më të lakuar gjatë këtij afati kalimtar veror.

Futbollisti nga Kosova pavarësisht se u kërkua nga klube të ndryshme, vendosi të transferohej te Fenerbahçe, raporton Zëri.info.

Te Fenerbahçe, 25-vjeçari u transferua nga Çaykur Rizespor.

Në arkat e klubit nga Deti i Zi, Fenerbahçe pagoi rreth 3.5 milionë euro.

Me këtë shumë të paguar, Muriqi është njëri prej pesë transferimeve më të shtrenjta këtë afat kalimtar në Superligën turke.

I pari është futbollisti Adem Ljajic, i cili u transferua në Besiktas për 6.5 milionë euro.

Ndërsa, Muriqi është i katërti me 3.5 milionë euro.

Ndryshe, futbollisti prizrenas shënoi 17 gola dhe dhuroi tetë asistime edicionin e kaluar me Rizesporin./Zëri.info