Tottenhami mund ta transferojë sulmuesin e Fenerbahçes, Vedat Muriqi për vetëm dhjetë milionë euro, gjithnjë sipas mediave në Turqi.
Klubi anglez ka qenë i lidhur vazhdimisht me transferimin e futbollistit të Kosovës, derisa edhe vetë Muriqi ka kërkuar të kalojë te skuadra e Jose Mourinho, shkruan “Zeri.info”.
Pavarësisht se më herët thuhej se 26-vjeçari mund të kushtojë 20 milionë euro, Tottenhami javën e kaluar bëri një ofertë prej 4.5 milionë funtesh, e cila u refuzua kategorikisht.
Ka pasur edhe prej tyre që raportuan se Muriqi nuk është në radarin e klubit të madh të Premierligës, por kjo nuk është e vërtetë sipas mediave në Turqi.
“Fanatik” raporton se pas krizës me koronavirus, Muriqi mund të shitet edhe për dhjetë milionë euro te klubi i Tottenhamit.
Ndryshe, për Muriqin interesim të madh ka shprehur edhe Lazio. /Zeri.info
