UBT

Vedat Muriqi flet për ofertat dhe derbin e Stambollit ku u përgjak: Kam ardhur te Feneri për të bërë një legjendë

/ 2 minuta lexim

Vedat Muriqi nuk ka arritur të shënoj gol në derbin e Stambollit, ku skuadra e tij Fenerbahce ishte mysafir i Galatasarayt.

Por sulmuesi kosovar bëri një paraqitje jashtëzakonisht të mirë, duke marrë skuadra e tij një pikë tejet të vlefshme.

Gjatë ndeshjes, Muriqi edhe u gjakos gjatë një dueli në ajër, derisa gjatë gjithë pjesës së dytë e barti fashën në kokë.

Pas ndeshjes prizrenasi foli për rrjedhën e lojës, duke thënë se ka dhënë maksimumin në këtë takim.

“Ne kishim ardhur këtu për fitore. Ne patëm disa raste, por nuk i konkretizuam. Unë dhashë maksimumin për këtë takim”, deklaroi Muriqi.

Fidanishtja

Tutje reprezentuesi kosovar ka folur edhe rreth interesimeve të skuadrave evropiane, gjë që po e motivojnë atë.

“Këto shkrime për transferime po më motivojnë më tepër. Shumë skaut po i përcjellin kudo në botë dhe kjo është natyrale”, vazhdoi tutje Muriqi.

25-vjeçari nuk ka shprehur dëshirën që të qëndrojë për shumë vite te Fenerbahce pasi dëshiron të bëhet legjendë e klubit.

“Unë në Fenerbahçe erdha që të bëhem legjendë e ekipit. Shpresoj se këtu do të qëndrojë për shumë vite dhe do ta shkruaj emrin tim me tituj të fituar të kampionit”, përfundoi sulmuesi kosovar.

Në gjashtë takimet e para në kampionat, Muriqi ka shënuar tre gola dhe ka bërë dy asistime me fanellën e Fenerbahces. /Telegrafi/