Vedat Muriqi është gati për t’ia bërë sefte te Lazio

Muriqi mund të debutojë sonte te Lazio. Ai ende nuk ka luajtur që prej trasnferimit nga Fenerbahçe, për shkak se kishte rezultuar me COVID-19 dhe ishte izoluar për dy javë në Turiqi pasi ishte trasnferuar te Lazio.

Ditë e veçantë për Vedat Muriqin.

Sulmuesi i kombëtares së Kosovës, që në afatin kalimtar të verës la Fenerbahçen për Lazion, mund t’i bëjë sefte sonte kundër Sampdorias.

Ai është ftuar nga trajneri Simone Inzaghi dhe nëse jo nga fillimi, mund t’ia japë disa minuta në pjesën e dytë.

Muriqi është stërvitur shumë dy javët e fundit dhe duket se është gati për të bërë më të mirën për Lazion.

Vedat Muriqi, me një fotografi në “Instastory”, konfirmoi se mezi po e pret të zbresë për herë të parë me fanellën e Lazios në fushë. /Gazeta Express/