Vedat Muriqi e ka zgjedhur skuadrën e tij të ardhshme

Sulmuesi kosovar e preferon transferimin në Fenerbahçe. Tash, gjigantit turk i mbetet të arrijë marrëveshje me klubin aktual të futbollistit – Rizespor.

Vedat Muriqi është entuziast dhe i lumtur për interesimin e Fenerbahçes për shërbimet e tij, shkruan Gazeta Express.

Sulmuesi kosovar po shkëlqen në fanellën e Rizesporit, me të cilin i ka realizuar 13 gola dhe ka dhuruar 7 asistime këtë sezon në 30 ndeshje të zhvilluara.

Për këtë, interesim për përfaqësuesin kosovar ka shfaqur gjiganti nga Stambolli.

Dhe, sipas mediave turke, respektivisht portalit “haberturk.com”, futbollisti prizrenas do ta mirëpriste një transferim tek Fenerbahçe pasi është i interesuar për ta bërë një hap përpara në karrierë.

Mirëpo, gjithnjë sipas këtyre mediave, drejtuesve të Fenerbahçes tash iu mbetet të arrijnë marrëveshje me klubin aktual të futbollistit – Rizespor.

Për momentin nuk dihet se sa para i kërkon Rizespori për 25 vjeçarin, i cili ishte sensacion këtë sezon në Superligën turke.

Muriqi ka kontratë me klubin aktual deri në vitin 2020, por ky fakt nuk do të sillte ndonjë problem nëse Fenerbahçe e plotëson kërkesën e Rizesporit, por edhe të vetë futbollistit sa i përket rrogës. /Gazeta Express/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).