Vdesin dy të rinjë në fshatin Lluçan të Bujanocit

Deputeti shqiptar në parlamentin e Serbisë, Shaip Kamberi, ka njoftuar se kanë humbur jetën dy të rinj në fshatin Lluçan të Bujanocit.

Përmes një postimi në “Facebook”, Kamberi ka postuar një fotografi ku shihet një veturë e përmbysur.

“Ngjarje e tmerrshme vdekja e dy të rinjve në fshatin Lluçan. Shuarje shprese e shkaktim dhembje të jashtëzakonshme jo vetëm për familjet dhe të afërmit e viktimave, por për të gjithë qytetarët e komunës tonë”, ka shkruar ai.

Ai i ka shprehur ngushëllime familjarëve të të rinjëve që humbën jetën.

“Allahu ua lehtësoftë dhimbjen familjarëve të fëmijëve që humbën jetën. Lutemi që të mbijetuarit të shërohen e t’i përballojnë plagëve”, ka thënë Kamberi./Zëri