Vdes shqiptari që tentoi të digjte gruan

Mediat italiane kanë raportuar se ka vdekur shqiptari i cili tentoi të digjte gruan. Kjo e fundit fatmirësisht ka shpëtuar, ndërsa e gjithë ngjarja ndodhi pas kërkesës për divorc.

42-vjeçari shqiptar, i cili një ditë më parë i vuri flakën banesës në Gorgonzola (Milano, Itali) dhe tentoi të digjte me benzinë gruan e tij po shqiptare, ka ndërruar jetë në spitalin “Niguarda”.

Plani i tij ishte të vriste bashkëshorten, e cila donte të ndahej nga ai, dhe më pas të vetëvritej, raporton “La Repubblica”.

Gjendja e tij kishte qenë e rëndë, pasi kishte pësuar djegie në 97% të trupit, ndërsa gruaja e 42-vjeçarit arriti të shpëtojë pasi u hodh nga ballkoni. “Ajo shpëtoi për mrekulli”, tha Giuseppe Verde, toger i policisë në Gorgonzola të Milanos./albeu.com