Vdes Osman Zhitia, babai i heroit Afrim Zhitia

Ka vdekur sot, Osman Zhitia, babai i heroit kombëtar Afrim Zhitia.

Përmes një postimi në “Facebook”, këtë e ka bërë të ditur Fatmir Limaj, Kryetari i Nismës Socialdemokrate.

Limaj, lajmin për vdekjen e Zhitisë e konsideron pikëllues dhe shpreh ngushëllime për familjen, miqtë dhe të gjithë ata që e kishin njohur Zhitinë.

“Baca Osman do të mbetet përherë në kujtesën tonë si një atdhetar i shquar që nuk kurseu asgjë nga vetja e tij për lirinë e Kosovës. I përjetshëm qoftë kujtimi për bacën Osman”, shkruan Limaj në postimin e tij./Zëri