Vdes kosovari në Itali në të njëjtin vend ku humbi jetën edhe vëllai i tij

Vetura që po largohet nga lumi Lemen në Portogruaro, ka brenda tre viktima.

Aksidenti që ndodhi rreth orës 3 të mëngjesit të premten në Venezia të Italisë, mori jetën e kosovarit 22 vjeçar, Altin Hoti, të fejuarës së tij, Giulia Di Tillio, dhe 26 vjeçarit nga Shqipëria, Egli Gjeci.

Kërkimet e zjarrfikësve në ujërat e lumit vazhduan disa orë pasi u raportua fillimisht se në makinë ishte një djalë i katërt, por që ky informacion nuk rezultoi i vërtetë.

Sipas hetimeve nga organet e rendit, makina e tipit BMW shkoi drejt rreth një kthese, duke thyer një portë përpara se të përfundonte në ujë dhe u fundos pasi kaloi një urë të vogël mbi lum.

Dëshmitari

Nuk kemi informacione të detajuara, mirëpo natën ka ndodhur një fatkeqësi ku tre persona kanë vdekur, njëri ndër ta e ka pasur mbiemrin Hoti, atij i ka vdekur 6 muaj më herët vëllai në aksident, kjo është një tragjedi. Kanë punuar shumë, çdo punë e kanë provuar, por ja tash të dy kanë vdekur. Nuk e dimë pse ka ndodhur, por sigurisht për shkak të shpejtësisë

Në muajin maj afër të njëjtit lokacion, kishte vdekur Admir Hoti, vëllai i shoferit që vdiq në aksident.

Ai së bashku me babanë e tij, ishin përplasur direkt me një veturë tjetër kur kushtet e motit ishin tejet të vështira./T7