Vdes Heroina Fikrije Sherifi, gruaja e Dëshmorit Sherif Sherifi, nëna e luftëtarit Sabedin Sherifi!

Gjilan – Të Dielën, më datë 11.04.2021, Spitalin Rajonal në Gjilan, Reparti Intensiv, vdiq Fikrije Sherifi, nga infeksioni covid19, bashkëshortja e Dëshmorit Sherif Sherifi, nëna e luftëtarit(veteran) Sabedin Sherifi, nga Verbica e Zhegocit, me vendbanim në Gjilan!

Lajmin për mortin e së ndjerës e konfirmon nipi i saj, Ismajl Sherifi, duke theksuar për medie, se e ndjera ishte prekur nga pandemia covid19, dy javë më parë, rrjedhimisht më datë 26 mars 2021, e njëjta kishte rezultuar pozitiv, por, që nuk kishte sëmundje të tjera kronologjike krahas moshës 76 vjeçare, të cilës t’ia ketë komplikuar shëndetin deri në betejën e fundit, që pamëshirshëm e preu në besë, pasi që dita e ditës gjendja e saj shfaqte optimizëm për konsiliumin mjekësor e familjen, duke shpresuar se po e përmbys armikun e fshehët, teksa e njejta deri në ditën kritike gëzonte shëndet vital, me logjik dhe mendjekthjelltësi të lartë, me njohuri e arkiv të pasur për gjendjen e saj, familjes dhe shoqërisë!

Bashkëshorti i së ndjerës Dëshmor Sherif Sherifi, shërbeu në Minierën e Artanës, nga vitet 1974-1989, plotë 15 vite, atëkohë kur filluan edhe masat e dhunshme deri në vetëmohimin e tij, rënia dëshmor pasi që i njëjti pas suspendimit nga puna për shkak përkatësisë etnike, Sherifi, i bashkohet Ushtrisë Çlirimtare të Kosovës, UÇK-ës, ku edhe bie dëshmor më 15 prill 1999.

Veç bashkëshortit, Heroina Fikrije, e involvon në Ushtrin Çlirimtare të Kosovës, edhe të birin luftëtar Sabedin Sherifi, i cili në Shtabin e UÇK-ës, do i kryej detyrat dhe përgjegjësit e Mjekut. Në ditën përcjellëse në nderin e Atdheut, të birit Sabedin, i drejtohet:” Rruga mbarë biri im, shko sepse e ke përgjegjësi dhe obligim për Kombin, familjen e Shoqërinë. Por, amanet mos harro, nëse i tradhton shoqërinë e ushtrinë, mos mu kthe kurrë në shtëpi”.

Fikrija, kishte një edukim dhe arsimim të bujshëm, me kujtime e hidhërime, dasma e gëzime, me njohuri për shumë ngjarje, të cilat e preokuponin për Lirin, arsimin, drejtësinë e ekonomin. Fikrija, deri në ditën kritike, edukoi breza, djem, nipër e mbesa.
Fikrije Sherifi, ishte si Busull(udhëzueseidhërrëfyes në ballë të shumë aktiviteteteve, me të cilën krenohej, familja e fisi, fqinjët e farefisi, për mendjeprehtësin e saj që ia kishte lakmi çdo njëri!

Lutemi për qetësin shpirtërore të të ndjerës, dritë pas shpirti mbi zonjën e nderuar!
Fikrije Fazli Sherif, u lind më: 10.03.1945, ndërroi Jetë, më 11.04.2021, në Spitalin Rajonal në Gjilan, nga infeksioni covid19!/ismajlsherifi/rajonipress/

Shpërndaje.
© RAJONIPRESS