Vdes deputeti gjerman i CDU-së, Andreas Schockenhoff

Nënkryetari i Grupit Parlamentar të CDU-së në Bundestagun Gjerman, Andreas Schockenhoff, ka vdekur sot, në moshën 57 vjeçare, njoftojnë mediat gjermane. Schockehoff ishte bashkëpunëtor i afërt të Kancelares Angela Merkel dhe herën e fundit ishte në Kosovë muajin e kaluar.

Ish -ministri i Jashtëm, Enver Hoxhaj, ka ngushëlluar i pari Familjen Schockenhoff – të cilin e ka quajtur si mik të madh të Kosovës.

“Sapo mora një lajm të hidhur për vdekjen e parakohshme të mikut tim dhe të Kosovës, Andreas Schockenhoff, nënkryetar i Grupit Parlamentar të CDU-së në Bundestagun Gjerman dhe njëri prej politikanëve më të suksesshëm të politikës së jashtme gjermane”.

“Ngushëllimet më të sinqerta familjes, bashkëpunëtorëve të tij, CDU-së dhe Gjermanisë. Do ta kujtoj gjithmonë si një mik dhe përkrahës të madh të Kosovës dhe të ardhmes së saj evropiane”, ka shkruar Hoxhaj në Facebook.