Vdes Camacho, ish-kampioni i botës

San Juan – Ish-kampioni i botës në boks Hector “Macho” Camacho ka ndërruar jetë të shtunën në spitalin në Porto Riko ku ishte i shtrirë dhe pa vetëdije që nga dita e martë, kur u qëllua me armë zjarri në fytyrë në një sulm në vendlindjen e tij.

Camacho ka pësuar sulm në zemër në orët e hershme të së shtunës dhe është larguar nga aparatet që e mbanin në jetë, ndërsa ka ndërruar jetë vetëm disa çaste më vonë, ka thënë mjeku Ernesto Torres, drejtor i spitalit “Centro Medico” në San Juan.

Nëna e Camachos, Maria Matias, të premten mbrëma ka thënë se ka mbështetur largimin e të birit nga aparatet pasi tre djemtë e Camachos kanë arritur nga San Juan nga SHBA-ja dhe kanë pasur rastin të shohin babanë e tyre për herë të fundit. Ata kanë qenë në gjendje të vizitojnë babanë para se ai të vdiste, ka thënë ish-boksieri profesionist Victor “Luvi” Callejas, një shok i Camachos.