Vazhdon shkollimi i mesëm i 24 qytetarëve të komunës së Kamenicës

Kamenicë – Kryetari i Komunës zoti Begzad Sinani, e ka mbështetur kërkesën e Grupit të Grave të Kamenicës për vazhdimin e financimi të projektit për vazhdimin e shkollimit të 24 femrave dhe meshkujve ( për klasën e X dhe vazhdimin e 22 femrave të tjera për klasën e XI), të cilët kanë ndërpre shkollimin e mesëm për shkak të gjendjes së rëndë ekonomike.

24 persona (femra dhe meshkuj) të komunës së Kamenicës iu nënshtruan testit me shkrim dhe atij me gojë në shkollën e mesme teknike Profesionale “Andrea Durrësaku” për klasën e dhjetë dhe të njëmbëdhjetë (X dhe XI). E rëndësishme kësaj radhe ishte se në mesin e këtij numri të përzgjedhur ishin të përfshirë edhe meshkuj, të cilët nuk kanë pasur mundësi që ta përfundojnë shkollimin e mesëm.

Këta persona femra dhe meshkuj shprehën falënderim të veçantë Grupit të Grave të Kamenicës për iniciativën e ndërmarr për të krijuar mundësinë që ta përfundojnë shkollimin e mesëm pa pagesë.

Ibadete Ahmetaj, kryetare e Grupit të Grave të Kamenicës, theksoi se pas përfundimit të fazës së parë të këtij projekti, përkatësisht të klasës X, dhe të Grupit të parë për klasën e XI do të vazhdohet me klasën e tjera.

Ajo e falënderoi kryetarin e komunës zoti Begzad Sinani, i cili edhe kësaj radhe, përkrahu këtë projekt të rëndësishëm shoqërorë, për t’i ndihmuar në ngritjen arsimore të femrave dhe meshkujve në komunën e Kamenicës./rajonipress/