Vazhdon shkëlqimi i shqiptarëve në Zvicër, Alban Ajdini nënshkruan kontratën e parë profesionale me Servetten

Futbollistët shqiptarë në Zvicër vazhdojnë të lënë gjurmë çdo ditë e më shumë.

Alban Ajdini është njëri nga lojtarët më të talentuar në Zvicër dhe falë paraqitjeve të mira në grupmoshat e reja, ai tanimë ka nënshkruar kontratën e parë profesionale.

Sulmuesi anësorë ka shkëlqyer me ekipin e dytë të Servettes, ndërsa është shpërblyer me kontratë profesionale nga 17 herë kampioni zviceran.

20-vjeçari ka nënshkruar kontratën e parë profesionale që e mbanë atë me ekipin e parë të Servettes deri në qershor të vitit 2022.

Ajdini tanimë i është bashkuar ekipit të parë dhe është në pritje të minutave për të debutuar në elitën e futbollit zviceran, ku Servette këtë edicion ka magjepsur duke befasuar edhe skuadrat më të mëdha.

Kësisoj me kalimin në ekipin e parë, Ajdini është bashkuar me shokun e tij të fëmijërisë Kastriot Imerin i cili me plot sukses po luan në Superligën e Zvicrës.

Ajdini me skuadrën e dytë të Servettes këtë edicion në Ligën e Tretë të Zvicrës ka shënuar pesë gola dhe ka bërë paraqitje fantastike duke u vlerësuar lartë në Zvicër.

Ka qenë vet klubi i madh zviceran Servette që ka njoftuar për nënshkrimin e kontratës profesionale me Ajdinin, duke shkruar se janë të lumtur që kanë në radhët e veta një lojtar të talentuar si Albani.

Kujtojmë që sulmuesi kosovar është pjesë e Servettes që nga mosha pesë vjeçare duke kaluar nëpër të gjitha grupmoshat e 17 herë kampionëve të Zvicrës. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).