Vazhdon shkëlqimi i Amir Abrashit në Zvicër

Javën e kaluar shënoi, ndërsa tani ishte radha për të asistuar.Futbollisti i Kombëtares së Shqipërisë, Amir Abrashi në çdo ndeshje po i tregon vlerat që ka.

‘Pitbulli’, shqiptar tregoi edhe njëherë se është ndër mesfushorët më të mirë në Zvicër në ndeshjen mes Grasshopper dhe Vaduz që përfundoi 1-1.

Abrashi harkoi mirë nga krahu i djathtë ndërsa sulmuesi Caio shënoi në zonë. Në këtë takim Amiri luajti 90 minuta ndërsa tek Grasshoppers në fund të ndeshjes u aktivizua edhe Shani Trashaj.

Tek Vaduz titullarë ishin dyshja shqiptare Naser Aliji dhe Hekuran Kryeziu, ku ky i fundit tregoi edhe njëherë se është një talent i madh duke asistuar në golin e barazimit. /Telegrafi/