Vazhdon shkelja e të drejtave të njeriut në Luginë të Preshevës

Derisa Serbia në vazhdimësi ka qenë faktor destabilizues në rajon, në anën tjetër, në territorin e saj vazhdon të mos i respektojë të drejtat e shqiptarëve.

Madje, përfaqësues politik të shqiptarëve në Luginë të Preshevës thonë se këto shkelje janë edhe më të theksuara në krahasim me vitet paraprake.

Viti 2022 për sa i përket nivelit të të drejtave të shqiptarëve sipas përfaqësuesve politik dhe institucional jo që nuk ka shënuar progres, por shkeljet janë edhe më të theksuara se vitet e më hershme.

E për këtë njëzëri e kanë akuzuar Qeverinë e Serbisë, por edhe mungesën e një plani konkret nga dy shtetet shqiptare.

Përfshirja e shqiptarëve të Luginës në agjendën e bisedimeve në Bruksel në mes të Kosovës dhe Serbisë gjatë vitit 2023 shihet si garanci për të drejtat e shqiptarëve të kësaj zone.