Vazhdon saga LDK – LVV, dështon edhe tentativa e radhës

Para nisjes së takimit lideri i LDK-së, Isa Mustafa, deklaroi se partia e tij është e gatshme për koalicionin.

As tentativa e së hënës mbrëma nuk rezultoi e suksesshme për formimin e “Koalicionit të shpresës”. Kreu i Lidhjes Demokratike të Kosovës Isa Mustafa dhe ai i Lëvizjes Vetëvendosje Albin Kurti edhe pas një takimi treorësh dështuan edhe një herë në arritjen e marrëveshjes për qeverinë e ardhshme, shkruan Zëri.

Ndonëse u rikthyen në tavolinën e bisedimeve me shumë optimizëm, i pari i Lëvizjes Vetëvendosje Albin Kurti dhe ai i LDK-së Isa Mustafa as të hënën nuk arritën të dakordoheshin për një koalicion bashkëqeverisës. Pas një takimi rreth treorësh Kurti e Mustafa, së bashku me zyrtarë të tjerë të partive të tyre, u larguan heshturazi nga ndërtesa e Kuvendit të Kosovës, aty ku po mbahej takimi. Para nisjes së këtij takimi lideri i LDK-së, Isa Mustafa, deklaroi se partia e tij është e gatshme për koalicionin me Lëvizjen Vetëvendosje.