Vazhdon projekti për rregullimin e varrezave shqiptare

Medvegjë – Projekti për pastrimin dhe rrethimin e varrezave shqiptare në tërë komunën e Medvegjës, i filluar në dhjetor të vitit 2012, nga Këshilli i Bashkësisë Islame në Medvegjë, po vazhdon edhe më tutje, ka bërë të ditur për medvegja.net, Lulzim Sahiti kryetar i këtij këshilli.

Deri më tani kemi arritur që t`i pastrojmë dhe rrethojmë me rrethoja të sigurta varrezat në fshatin Dediq, Tupallë, Kapit, Gjylekresht dhe Llapashticë, ndërsa në fazën tjetër do të i rregullojmë në fshatrat Rama Banjë, Gërbavc, Svircë, Bajë të Vjetër, Vllasë, me një fjalë do të rregullohen të gjitha varrezat shqiptare në tërë komunën e Medvegjës, ka theksuar z.Sahiti.

Medvegja.net ka vizituar disa nga varrezat e rregulluara dhe do të ju sjell pamjet nga këto fshatra: Llapashticë, Gjylekresht, Kapit dhe Tupallë.

Këshilli i Bashkësisë Islame në Medvegjë, shpreson që në të ardhmen të punësoj 4-5 persona dhe varrezat shqiptare të kenë përkujdesje të vazhdueshme institucionale./medvegjanet/