Vazhdon pastrimi i rrugëve nga bora në fshatrat e malësisë
RajoniPress
16:15, 12 Mars, 2015
Kamenicë – Problemet me rrugët e bllokuara nga bora po vazhdojnë në fshatrat malore, ku mesatarja e borës arrin 40-70, ndërsa në vende të ndryshme nga orteqet arrin deri në 3 metra.
Kompania e kontraktuar për mirëmbajtjen e rrugëve në sezonin dimëror edhe veror “Global Projekt” Është duke punuar pa ndërprerje në hapjen e rrugëve në viset malore. Gjatë ditës së djeshme janë hapur rrugët në këto fshatra : Kostadincë, Magurë, Gjyrishec, si edhe lagja Korçajve në Gëmicë.
Ndërkaq, gjatë ditës së sotme janë duke u hapur rrugët në fshatin Kranidel, lagja e Selishtëve.
Një problem që po krijohet gjatë hapjes së rrugëve është, se për shkak të lagështisë së madhe të krijuar gjatë pastrimit borës po dëmtohet edhe baza e rrugëve /rajonipress/
