Vazhdon mbështetja për fermerët e Kamenicës

Kamenicë – Komuna e Kamenicës së bashku me Caritasin Zviceran, kanë shpërndarë pjesën tjetër të materialeve nga granti për mbështetjen dhe promovimin e prodhimtarisë bujqësore në komunën tonë.

14 fermerë kanë përfituar nga ky grant komplet pakon nga fidanet, sistemin e ujitjes, sistemin mbështetës, rrethojat, plehun, materialin mbrojtës dhe mjetet tjera përcjellëse.

Kryetari i Komunës së Kamenicë Qëndron Kastrati, ka falënderuar Caritasin për mbështetjen e vazhdueshme dhe Drejtorinë e Bujqësisë, Pylltarisë dhe Zhvillimit Rural për punën e palodhshme për t’i dal në ndihmë fermerëve.

“Nga vazhdimi i projektit me Caritasin, për t’u dalë në ndihmë fermerëve bëmë shpërndarjen e pjesës tjetër të materialeve për ta. Rrethojat për parcelat e tyre, do t’u shërbejnë për sigurinë e kulturave bujqësore varësisht nga veprimtaria që kanë. Faleminderit stafit të Drejtorisë për Bujqësi, Pylltari e Zhvillim Rural për angazhim të vazhdueshëm në secilin proces”, tha Kastrati.

Ndërsa, Drejtori i Drejtorisë së Bujqësisë, Pylltarisë dhe Zhvillimit Rural Naim Arifi, tha se komuna dhe DBPZHR do të jetë afër dhe në mbështetje të fermerëve dhe bujqëve gjithmonë.
“Falënderojmë Caritasin Zviceran për bashkëpunimin e shkëlqyeshëm, komuna dhe DPBZHR do të mbështesë gjithmonë fermerët e Kamenicës”, tha Arifi./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).