Vazhdon krijimi i ndërmarrjeve të reja prodhuese në komunën e Komuna e Vitisë

Viti – Në vazhdën e vizitave në ndërmarrjet e ndryshme që veprojnë në komunën e Vitisë, kryetari i komunës Sokol Haliti, ka vizituar sot Ndërmarrjen “Bautex” SHPK në Pozheran.

Kjo fabrikë e cila ka filluar me punë para pak muajsh, merret me prodhimin e materialeve izoluese.

Haliti u njoftua nga menaxhmenti i kësaj ndërmarrje me punën dhe planet në të ardhmen, e ku aktualisht janë të punësuar 25 punëtor.

Gjithashtu u bë e ditur se Ndërmarrja Bautex, eksporton prodhimet e saja në tregun europian si në Hungari, Itali, Greqi, Shqipëri e Poloni./rajonipress/