Vazhdon kontratën, dhe huazohet

Gjiganti zviceran, Baseli, e ka vazhduar kontratën me futbollistin shqiptar nga Maqedonia, Naser Alijin, i cili së fundmi vendosi t’i mbrojë ngjyrat e Kombëtares shqiptare.

Mbrojtësi e ka vazhduar kontratën me zviceranët deri në vitin 2017, por tash për tash nuk do të luaj për Baselin. Kjo pasi gjiganti zviceran e ka huazuar shqiptarin në një tjetër klub që garon në elitën e futbollit helvetik.

Sipas njoftimit të Baselit, Aliji është huazuar deri në fund të kampionatit në Vaduz, me qëllim që të luaj sa më shumë dhe t’i shmanget konkurrencës në Basel. Në këtë mënyrë, Aliji mund të përfitojë.