Vazhdon degradimi i parkut të qytetit, komuna mbyll sytë

Gjilan – Degradimi i parkut të qytetit tashmë është bërë një zonë e pakalueshme nga bërlloku i shumtë dhe qentë endacak të pranishëm kudo.

Vazhdon të degradohet parku i qytetit ndërsa revolta e qytetareve gjilanas sa vije e shtohet. Tashmë pos bërllokut të shumtë dhe ku shihet kudo, qentë endacak janë të pranishëm në çdo shportë bërlloku.

Qytetarët ndërkaq ndihen të revoltuar se si kjo pasuri që e ka qyteti i Gjilanit po shkatërrohet ndërsa komuna po i mbyll sytë.

Selmani një 60 vjeçar thotë se kjo çka po ndodhë me parku është krim.”Kur diçka bëhet me vetëdije të plotë nga qeverisja, kjo është më shumë se krim. Parku duhet të mirëmbahet sepse kjo është pasuri e jona dhe nuk duhet ta shkatërrojmë” shprehet ai.

Urani një student thotë se qentë endacak që po vrapojnë pas bërllokut kanë filluar të bëhen edhe të rrezikshëm. “Komuna duhet të ndërhyjë urgjentisht dhe jo të pres me muaj derisa të zgjidhet kompania. Është turp që në këtë shekull të turpërohesh kur kalon aty pari. Kundërmim i rëndë nga era dhe papastërtia, vërtet turp për komunën” shton ai./rajonipress/