Vazhdon agonia e SC Gjilanit, Arbëria e nxjerr një pikë në Gjilan

Në javën e 23-të, të Superligës së Kosovës në futboll në fushën me bari sintentik tek rrethi në Gjilan, skuadra e Gjilani vazhdon me agonin e thellë të cilën e ka kapluar.

Edhe pse “bardhëkuqet” e Gjilanit kishin më tepër nga loja, këta të fundit nuk arritën të shënojnë fitore të vlefshme, ndërsa goli i barazimit të mysafireve ishte mjaft diskutabile pasi futbollistët e Gjilanit protestuan pasiqë sipas tyre ky gol ishte në pozitë jashtë loje.

Trajneri Bylbyl Sokoli i cili erdhi me shumë bujë tek Gjilanasit asgjë nuk ka treguar pasiqë nën drejtimin e tij “bardhekuqët” janë në krizë të thellë si në lojë poashtu edhe tek rezultati.

Darko Nikaq koritet në minutën e 12-të, Hila e gjen bukur por Nikaq i ngathët për të shënuar.

Pesë minuta më vonë Keita Rezak godet horizontalen e portierit mysafir Andi Thaqit.

Në minutën e 61-të, Gerhard Progni gjuan fuqishëm në zonë në tentim për ta larguar topin jashtë zonës Bruqi topin e dërgon në rrjetën e tij 1-0.

Në minutën e 84-të, pas një sulmi të rrallë të mysafireve në tollovinë e krijuar më së miri gjendet Marclei Cezar i cili barazon në 1-1.

Trajneri i Gjilani, Bylbyl Sokoli, i cili ende nuk e ka shijuar ende fitoren në pranverë ka deklaruar.
“Ky rezultat na dërgon drejt ekzistencës, ne kemi shumë futbollist të lënduar dhe kjo po na bën punën e vështirë, nuk e di a ishte pozitë jashtë loje goli i shënuar i mysafireve”.

Ndërsa, ish-trajneri i Gjilanit tani i Arbërisë, Arbnor Morina, ishte i kënaqur me një pikë të fituar.
“Jam i lumtur me angazhimin e futbollistëve, djemtë po luajnë futboll të bukur po japin gjithçka nga vetja dhe për këtë i përgëzoj, Gjilani ka ekip cilësorë me përvojë të madhe ndërsa kjo pikë për ne është shumë e madhe”.

Në javën e 24-të, Gjilani luan si mysafire ndaj rivalit lokal Dritës./rajonipress/

Shpërndaje.
© RAJONIPRESS