Vazhdojnë keqpërdorimet me bursa studentore në Gjilan

Gjilan – Të nderuar anëtarë të Kuvendit Komunal të Gjilanit dhe ju prokurorë të Prokurorisë Themelore në Gjilan ju ftojmë të merreni seriozisht me këtë çështje e cila është duke vazhduar tash e sa vite në qytetin tonë. Ndërkohë, ne si grup qytetar i pavarur paralajmërojmë se gjatë kësaj jave do të iniciojmë kallëzim penal për këtë çështje thuhet në reagimin e Vjosë Avdiut nga Grupi Qytetar i Pavarur për Vetëqeverisjen e Gjilanit.

Reagimi i plotë:

Çka ndodhi me konkursin për bursa studentore në Komunën e Gjilanit?
Siç ka ndodhur edhe viteve paraprake, përsëri është vazhduar me manipulime/keqpërdorime në konkursin e bursave studentore, duke vënë si përfitues persona jomeritor.
Komisioni i bursave si në shkallën e parë ashtu dhe në instancën e dytë vetëm i ka përshkallëzuar keqpërdorimet e tilla, duke heqë në mënyre të padrejtë disa bursistë përfitues e duke futur në bazë të nepotizmit dhe lidhjeve tjera politike në listën e studentëve përfitues të bursave persona jomeritor.
Të nderuar anëtarë të Kuvendit Komunal të Gjilanit dhe ju prokurorë të Prokurorisë Themelore në Gjilan ju ftojmë të merreni seriozisht me këtë çështje e cila është duke vazhduar tash e sa vite në qytetin tonë.
Ndërkohë, ne si grup qytetar i pavarur paralajmërojmë se gjatë kësaj jave do të iniciojmë kallëzim penal për këtë çështje.

Vjosë Avdiu
Juriste në Grupi Qytetar i Pavarur për Vetëqeverisjen e Gjilanit, e specializuar në lëmin penal