Vazhdojnë arrestimet në qendrën e regjistrimit të automjeteve në Gjilan

Gjilan – Numri i të arrestuarve në qendrën e regjistrimit të automjeteve për keqpërdorim të pozitës apo autoritetit zyrtar ka shkuar në katër veta. Deri tani janë arrestuar Nexhmije Huruglica, Besim Fetahu, kurse të mërkurën janë arrestuar edhe Sali Shala e Ibrahim Aliu.

Policia e Kosovës ka vazhduar me të arrestuarit e radhës që lidhen me qendrën e regjistrimit të automjeteve në Gjilan.

Ismet Hashani zëdhënës i policisë tha se në kuadër të hetimeve shtesë që kanë vazhduar në kontinuitet, më datën 13 korrik 2016, janë arrestuar edhe dy të dyshuarit Zyrtar të Qendrës së regjistrimit të automjeteve, këtu në Gjilan.

Të njëjtit janë intervistuar në prezencë të avokatëve mbrojtës në lidhje me veprat penale që dyshohen të jenë të inkriminuar dhe bien në domenin e kapitullit “Korrupsioni zyrtar dhe veprat penale kundër detyrës zyrtare”.

Pas intervistimit, Prokurori i shtetit, ka lëshuar aktvendim mbi ndalimin e personave në afat prej 48 orësh.

Hetimet në lidhje me këtë lëndë do të jenë në proces të vazhdueshëm tha Hashani.

Ndërkaq burimet tona brenda prokurorisë thanë se të arrestuarit e deritanishëm janë Nexhmije Huruglica, Besim Fetahu, kurse të mërkurën janë arrestuar edhe Sali Shala e Ibrahim Aliu./rajonipress/