Mobi Casa

Vavalis: Llapi e fuqishme, por të fillojmë stinorin me fitore

/ 1 minutë lexim
RCCOLA

Gjilan – Skuadra e Dritës nesër (e diel), do të fillon stinorin e ri në Superligën e Kosovës në futboll. “Bardhekaltërit” ndeshjen e parë do ta zhvillojnë kundër Llapit në Gjilan, ndërsa për këtë takim trajneri i Dritës, Akis Vavalis, në konferencën për media ka deklaruar që tani e tutje skuadra duhet të përqendrohet në kampionat.

“Është shumë e rëndësishme të fitojmë nesër ndaj Llapit, sepse periudha e Evropës ka përfunduar dhe tani duhet të jemi të fokusuar në kampionat. Do të takohemi me një skuadër të fuqishme si në organizim edhe financiarisht, por më e rëndësishme për ne është si do shkojë performanca jonë. Kemi një skuadër shumë të mirë dhe kemi konkurrencë në çdo pozitë, por kjo është ajo që duam që të kemi sa më shumë futbollistë në dispozicion”, ka thënë Akis.

Hidromorava

Ndeshja në mes Dritës dhe Llapit, zhvillohet të dielën nga ora 17:00, tek stadiumi sintetik (te rrethi).