ASK

Vavalis: Gati të luftojmë për 90 minuta lojë

/ 1 minutë lexim

Gjilan – Superliga e Kosovës në futboll rikthehet të zhvillojë ndeshjet e xhiros së 5-të, pas pauzës së ndeshjeve të kombëtarëve.

Skuadra e Dritës do të udhëtoj në Lipjan ku do të takohet me Fushë Kosovën, në ndeshjen që zhvillohet nesër (e shtune) duke filluar nga ora 15:00.

Fidanishtja

Para këtij takimi trajneri i FC drita, Akis Vavalis, ka deklaruar se djelmoshat e tij janë gati të luftojnë për 90-të minuta.


“Ne kishim dy javë dhe kishim shumë gjëra për të ndryshuar dhe përmirësuar. Nesër kemi një ndeshje të vështirë pasi KF Fushë Kosova ka një ekip shumë të mirë ne kemi analizuar ndeshjet e tyre dhe kemi parë si i kanë humbur ndeshjet. Ne do të luftojmë për 90 minuta dhe shpresoj të marrim tri pikët”, ka thënë Vavalis./rajonipress/