“Vatra” takon poetët me prejardhje nga Kosova Lindore

Gjilan – Kushtrim Kadriu kreu i Lëvizjes Qytetare “Vatra” në Gjilan, priti në një takim disa shkrimtar me prejardhje nga Kosova Lindore të kryesuar nga Arsim Halili – nënkryetar i klubit te shkrimtarëve “Fenix” dhe shkrimtaret Xhuli Spahiu, Shaban Emini e Shaip Bllaca, ku me ta u diskutua për gjendjen e librit shqip në Kosovën Lindore dhe për gjendjen e shkrimtarëve me prejardhje nga Kosova Lindore që veprojnë në Republikën e Kosovës.

Gjatë këtij takimi kryetari Kadriu i ofroi përkrahje komunitetit të shkrimtarëve të Kosovës Lindore në krijimin e urave të bashkëpunimit në mes të shkrimtarëve nga Kosova dhe atyre nga Kosova Lindore.

Arsim Halili nënkryetar i shoqatës “Feniks” nga Presheva tha se mungojnë aktivitetet e tilla dhe shpreson që këto aktivitete të zgjerohen dhe të krijohen urat e miqësisë në mes të shkrimtarëve dhe të bëhen aktivitete të koordinuara ku do te përfitojë regjioni jonë në përgjithësim thuhet në njoftimin e Lëvizjës “Vatra”./rajonipress/