Fundamenti

“Vatra”: Punët e Lutës si punët e breshkës

/ 2 minuta lexim

Gjilan – Të dielën aktivistë të “Lëvizjes Qytetare Vatra” kanë vendosur një pllakatë në shenjë proteste për zvarritjen e padurueshme që Komuna e Gjilanit po u bënë punëve të saj. Jemi mësuar me faktin që z. Haziri çdo punë që e nisë ta zvarrisë e ta zvarrisë deri në pakuptim, duke na lodhur e duke na neveritur me neglizhencën e tij thuhet në reagimin e Lëvizjes “Vatra”.

Mobi Casa

Të gjithë jemi dëshmitarë të kësaj zvarritje, të këtij paplanifikimi, të këtij keqmenaxhimi dhe të kësaj papërgjegjësie masive që e ka pllakosur komunën tonë. Është bërë thuajse normale në Gjilan që rregullimi i një rruge të shkurtër të zgjatë pesë – gjashtë muaj, apo edhe një vit të tërë. Pasojat e neglizhencës dhe mosdijes së z. Hazirit dhe ekipit të tij i has kudo dhe me shumicë. Janë bërë të zakonshme pamjet ku komuna pret asfaltin e hapë gropa dhe i lë ashtu me muaj të tërë, pamje bllokimit të rrugëve, pamje me gropa të shumta që presin intervenimin e komunës etj. Kjo formë e keqqeverisjes po bënë që Gjilani vazhdimisht të jetë i bllokuar dhe vështirë funksional, pa harruar të përmendim edhe mjetet e rënda që qëndrojnë me ditë të tëra pa punuar mu në qendër të qytetit thuhet në reagimi e Durim Kadriut nga Lëvizja qytetare “Vatra”./rajonipress/