“Vatra” përkrahë idenë për shkëmbimin e territoreve me Serbinë

Gjilan – Lëvizja Qytetare “Vatra” përkrahë idenë për shkëmbim territoresh me Serbinë. Duke pasur parasysh se Zveqani, Zubin Potoku dhe Leposaviqi juridikisht janë në administrim totalitar serb, ndërsa 3 komunat me shumicë Shqiptare në Kosovën Lindore janë të administruara nga politikan Shqiptar, por janë më të prapambeturat në investim ekonomik dhe zhvillim, shohim si zgjidhje të vetme bashkimin e 3 komunave me shumicë shqiptare me Republikën e Kosovës.

Ndryshe Kosova do t`i humb edhe veriun e Mitrovicës edhe Kosovën Lindore nëse nuk arrin një marrëveshje të tillë. Neve si shqiptarë asgjë nuk do të humbnim nëse do të shkëmbenim territor me shtetin serb. Kosova Lindore pra me 3 komunat me shumicë Shqiptare, të i bashkohen Republikës së Kosovës. Një zgjidhje e tillë do të ishte historike dhe zgjidhje e problemeve për pasardhësit e popullit Shqiptarë dhe pasardhësit e popujve të Ballkanit.

Do të definoheshin kufinjt zyrtar dhe nuk do t`i mbetej një punë e pazgjidhur pasardhësve të Shqiptarëve dhe popujve të Ballkanit thuhet në njoftimin e Lëvizjes Qytetare “Vatra” në Gjilan./rajonipress/