“Vatra”: Në Zyrën për Preshevë, Alban Hyseni punësoi: Strujaxhi, Shitës të pjesëve të kerreve, Doktorë të dhëmbëve

Gjilan – Jemi thellësisht të shqetësuar për situatën alarmante në Zyrën për Preshevë, ku, përkundër pranisë së një numri të madh të punësuarve, puna nuk po orientohet drejt zgjidhjes së problemeve të qytetarëve të Luginës, por, për fat të keq, po shërben më shumë për përfitime politike. Shumë qytetarë të Luginës së Preshevës ende mbesin pa dokumente identifikimi një e drejtë themelore që ua mohon qasjen në shërbime shtetërore, arsim, shëndetësi dhe lirinë e lëvizjes thuhet në reagimin e Lëvizjes “Vatra”.

Ajo zyrë është shndërruar në një strehë për individë me pak lidhje me Luginën e Preshevës, ku gjejmë të punësuar njerëz nga profile si mjeshtër veturash, elektriçistë, madje edhe mjekë të dhëmbëve, persona që kanë kryer shkollën e mesme në moshën rreth të tridhjetave, sipas raportimeve mediale ka shkruar Vatra në reagimin e saj./rajonipress/