“Vatra” e Fatmir Arifit ndërron emrin e saj në Lëvizja për Integrim e Luginës së Preshevës

Gjilan – Lëvizja Vatra në takimin e saj të rregullt ka marr dy vendime të rëndësishme që të ndërroj emrin e saj dhe të filloj një peticion kundër veprimeve të Serbisë për marrjen e vendbanimit e si rrjedhojë edhe të nënshtetësisë së qytetarëve shqiptar të këtij shteti.

Lëvizja Vatra, vitin e kaluar i ka hyrë procesit të zgjedhjeve të brendshme dhe ka mbajtur zgjedhjen e Kuvendit, Kryesisë dhe Kryetarit të ri.

Kryesia e re e Lëvizjes së re, sot më 16 Tetor 2014 ka marr vendim që të ndërroj emrin në emërtimin: Lëvizja për Integrim e Luginës së Preshevës, me arsyetimin e qartësimit të veprimtarisë me specifikë gjeografike. Iniciativa për ndërrimin e emërtimin ka qenë i më hershëm se vendimi. Pas disa konsultimeve në mes të kryesisë dhe anëtarësisë, janë dhënë shumë propozime dhe pas shqyrtimit u hodhën në votim vetëm 4 propozime dhe u votua për ndryshim të emërtimit.

Lëvizja për Integrim e Luginës së Preshevës, njofton opinionin shqiptar për këtë ndryshim dhe për iniciativën e domosdoshme për ta mbrojtur qenien shqiptare në trojet etnike, ku është rrezikuar nga veprimet shumë të kamufluara të viteve të fundit të Republikës së Serbisë, kundrejt qytetarëve shqiptarë të këtij shteti, duke ia marrë vendbanimin dhe në këtë mënyrë duke ia pamundësuar marrjen e dokumenteve bazike personale si: certifikata e lindjes, letërnjoftimi dhe pasaporta. Me këto veprime Serbia po krijon bazën për të ndryshuar dhunshëm demografinë në komunën e Bujanocit, në mënyrë që të realizoj planin e saj për pastrimin etnik nga shqiptarët e Luginës së Preshevës.

Lëvizja për integrim ka filluar përgatitjet e saja për realizimin e Peticionit për të kundërshtuar veprimet e Serbisë për marrjen e vendbanimit të shqiptarëve që jetojnë pa dëshirën e tyre në Serbi.

Ky peticion do t`i drejtohet: Parlamentit Evropian, Këshillit të Evropës dhe Gjykatës së Strazburgut.

Kryetari i LILP, , Fatmir Arifi tha se me këtë peticion do të bëhet sensibilizimi i opinionit të brendshëm, shteteve kudo që jetojnë shqiptarët dhe institucioneve të Bashkimit Evropian për të ndërhyrë dhe parandaluar këto veprime kundër-njerëzore dhe për të arsyetuar ekzistencën se për çka janë krijuar.

Gjithashtu këtë peticion presim që ta nënshkruajnë të gjithë qytetarët me prejardhje nga Lugina e Preshevës”./rajonipress/