Varroset me nderime Isuf Ajeti punëtori shumë vjeçar i futbollit e çështjeve sociale e pensionale

Gjilan – Punëtori shumë vjeçar i futbollit, juristi e menaxheri i çështjeve sociale e pensionale, Isuf Ajeti me nderime të larta nga shumë pjesëmarrës është varrosur në vendlindjen e tij në Llovcë.

Isufi gjatë tërë karrierës së tij punoi për të mirën e futbollit dhe çështjeve sociale e pensionale, duke dhënë një kontribut të jashtëzakonshëm në çdo përgjegjësi të cilën e kishte.

Në praninë e shumë pjesëmarrësve në moshën 69 vjeçare me nderime e respekt, Isufi Ajeti është varrosur sot (24 Prill), duke lënë gjurmë të pashlyera në jetën e tij.

Në mesin e shumë të pranishmëve ishte edhe Presidenti FFK-së, Agim Ademi me ekipin e tij, i cili theksoi se Isufi ishte një punëtor i palodhshëm dhe shumë profesionist dhe se mungesa e tij futbollit të Kosovës do t`i mungon shumë.

Poashtu, në fjalimin e rastit, Ahmet Isufi nga subjekti politik AAK, ka theksuar se për familjen, qytetin dhe futbollin humbja e Isuf Ajetit do të jetë e madhe, por ai do të kujtohet me respektin më të lartë.

Nga shumë të pranishmit në fund të procedurës së varrimit, u vunë kurora e lule. /rajonipress/