Valon Zymberi: Shteti Zviceran nuk na lejoj ta zhvillojmë ndeshjen

Klubi i FC Dritës sot është kthyer në Kosovë, pas anulimit të ndeshjes finale parakualifikuse në mes Dritës dhe Linfield.

Me të mbërritur në Kosovë, drejtori sportiv i FC Drita, Valon Zymberi ka treguar për problemet që kanë pasur në shtetin Zvicëran.

“Ka qenë një udhëtim i vështirë me shumë ndodhi, por gjithsesi ndeshje e parë është zhvilluar. Autoritet e UEFA nuk ka qenë për të ndaluar ndeshjen, por ato kanë rënë në desh me ato zvicerane. Takimi i dytë nuk është zhvilluar pasi një lojtar i yni ka rezultuar pozitiv me COVID-19 dhe kështu autoritet zvicerane kanë kërkuar që ekipi jonë të mos zhvillojë ndeshjen por që të gjithë ne të karintinohemi. Kështu UEFA ka qenë e pafuqishme për të marr një vendim tjetër dhe është dashur që ta respektojmë vendimin e shtetit zviceran”.

Zymberi ka treguar se cilat do të jenë hapat e mëtutjeshme të FC Drita.
“UEFA na ka njoftuar që sot do të mblidhen, Komisioni i Etikës dhe Disiplinës ku do të diskutojnë për këtë ndodhi që ka ndodh. Gjithsesi ne mendojmë që është lëshim i madh nga UEFA, pasi ata është dashur që ta organizojnë në një shtet tjetër e jo në Zvicër pasi i ka rregullat më ndryshe dhe strikte. Ne, kemi parë disa reagime kinse UEFA nuk ka qenë dakord për mos zhvillimin e ndeshjes. UEFA ka qenë për tu zhvilluar takimi por vendimi i tyre ka rënë në desh me autoritet zvicerane dhe kështu është dashur ti respektojmë ne”./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).