Valon Zymberi: Mendimi i lirë është i garantuar me konventa ndërkombëtare

Gjilan – Drejtorit të FC Dritës, Valon Zymberi ditë më parë komisioni i shkallës së parë i FFK-së, pas prononcimit për media të Zymberit ku sipas tyre, Zymveri ka shkelur Kodin e Mirësjelljes Sportive dhe Rregulloren Disiplinore duke e dënuar me 200 euro dhe për 6 muaj mos ushtrim të detyrës në FC Drita.

Drejtori Valon Zymberi edhe një herë ka përsëritur në mënyrë unanime se ky dënim vjen si pasojë e mendimit të lirë dhe ka bërë të ditur se Kuvendi i Federatës së Futbollit e ka përzgjedhur Agim Ademin në mënyrë jo legjitime.

“Mendimi i lirë është i garantuar me konventa ndërkombëtare. Unë vazhdimisht kam shprehur pakënaqësi, për kuvendin, kryetarin dhe funksionimin e Federatës. Kemi menduar ndryshe dhe nuk kemi qenë mbështetës të kryetarit aktual, Agim Ademi, i cili është zgjedhur nga një kuvend jolegjitim, nuk e them se unë dëshiroj ta them këtë, por e themi ngase atë e vërteton edhe Ministria e Kulturës, Rinisë dhe e Sporteve, e cila ende nuk e ka pranuar dhe legjitimuar këtë kuvend, duke mos dhënë një vendim final. Ata po i shqyrtojnë proceduarat e ne i kemi bërë publike këto parregullsi”, ka thënë Valon Zymberi./rajonipress/