Futbollisti i Përfaqësueses së Kosovës në futboll, Valon Berisha ka bërë paraqitje fantastike këtë javë me skuadrën e tij, raporton “Zeri.info”.
Berisha ka treguar formë të mirë me fanellën e skuadrës franceze, Reims me të cilën ndeshjen e fundit e mposhën në udhëtim, Montepellier me rezultat të thellë 0:4.
Futbollisti i Kosovës ishte i pranishëm në fushë deri në minutën e 83-të, për t’u zëvendësuar më pas nga trajneri i skuadrës.
Për këtë paraqitje të mirë të tij, gazeta e famshme franceze “L’Equipe”, e ka vlerësuar atë me notën 7 dhe e ka vendosur në formacionin e javës për elitën e futbollit francez.
Në këtë formacion të javës është edhe ylli i Paris Saint Germain, Neymar e Memphis Depay i Lyonit.
